သူ မလာတာကြာပြီလား?
အမျိုးသမီးတို့အတွက် တစ်လမှာတစ်ခါ ပုံမှန်လာရမယ့် သူမလာရင် စိတ်ကသိကအောင့် ဖြစ်ရတယ်ဟုတ်?
🗓ပုံမှန်ဆိုရင် ဓမ္မတာဟာ 21-35 ရက်ကြားတစ်ခါ လာတတ်တာကြောင့် တစ်ပတ်လောက်နောက်ကျတာနဲ့ ဘာမှမစိုးရိမ်ရတတ်ပါဘူး။
ဒါပေမယ့် 35ရက်ထက်ကျော်လို့မှ မလာသေးဘူးဆိုရင်တော့ နောက်ကျတယ်လို့ သတ်မှတ်နိုင်ပါပြီ။
ဒီလို ဓမ္မတာနောက်ကျရတဲ့ အကြောင်းအရင်းတွေက အမျိုးမျိုးဖြစ်နိုင်ပါတယ်။
🩸ကိုယ်ဝန်ရှိနေတာကြောင့်
🩸တားဆေးများသောက်ခြင်းကြောင့်
🩸ရင်သွေးကို နို့တိုက်ရတာကြောင့်
🩸ရုတ်တရက် ၀ိတ်ကျသွားတာကြောင့်
🩸အ၀လွန််တာကြောင့်
🩸လေ့ကျင့်ခန်း အလွန်အကျွံလုပ်မိတာကြောင့်
🩸စိတ်ဖိစီးမှုတွေများတာကြောင့်
🩸ဟော်မှုန်းတွေ မညီမျှတာကြောင့်
🩸အသက် 40-45ကြားမှာဆို သွေးဆုံးချိန်နီးလာတာကြောင့်
အထက်ပါ အကြောင်းအရင်းတွေကြောင့်အပြင် နှလုံးရောဂါ၊ ဆီးချိုရောဂါနဲ့ သိုင်းရွိုက်တို့ကြောင့်လည်း ဓမ္မတာရပ်သွားတာမျိုး ဖြစ်တတ်ပါသေးတယ်။
ဓမ္မတာလာချိန်ဟာ ပုံမှန်ထက်နောက်ကျနေပြီးတော့ ကိုယ်၀န်လည်း မရှိနေဘူးဆိုရင် အလုပ်သင့်ဆုံးကတော့ OGနဲ့ပြပြီး ဆွေးနွေးသင့်တာပါပဲ👩⚕️
အထူးသဖြင့် 3လလောက်ဆက်တိုက် နောက်ကျနေတာ၊ ပြီးတော့ ရုတ်တရက် ၀ိတ်အတက်အကျတွေဖြစ်နေတာ၊ မျက်နှာအသားအရေတွေ အရမ်းခြောက်လာတာ/ အဆီပြန်လာတာမျိုးတွေဖြစ်လာရင် ပိုလို့တောင် သတိထားသင့်ပါသေးတယ်။
ဆရာ၀န်နဲ့ပြပြီးမှ ဓမ္မတာပုံမှန်မလာရတဲ့ အကြောင်းအရင်းကို စောစောသိလေ ကုသမှုနည်းတွေ မြန်မြန်လုပ်နိုင်ပြီးတော့ သူလဲ ပုံမှန်လာနိုင်မှာမလို့ပါ…
သားဖွားမီးယပ်အထူးကုဆရာဝန်ကြီးများနဲ့ အွန်လိုင်းမှတစ်ဆင့် ဆွေးနွေးတိုင်ပင်လိုပါက https://mymedicine.com.mm/r/OG ကိုနှိပ်၍ ရက်ချိန်းရယူနိုင်သလို ဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်နော်။
ဆောင်းပါးလေးကိုအဆုံးထိဖတ်ရှုပေးလို့ကျေးဇူးတင်ပါတယ်။