ရေစီးကမ်းပြိုတာ စေတနာပဲကောင်းတယ်နော်......
သွားမှာဖြစ်ရင်တော့ အချောင်းလိုက် တစ်ချောင်းပြီးတစ်ချောင်း ကျွတ်ကျတတ်တာမလို့ စေတနာပဲ ရေစီးကမ်းပြိုတာအကောင်းဆုံးပါ။
သွားရေစီးကမ်းပြိုတာ ဘာလို့ဖြစ်ရတာလဲ?
အဓိကကတော့ သွားကျန်းမာရေးကို သေချာဂရုမစိုက်တဲ့အခါ သွားမှာ ဘက်တီးရီးယားတွေများလာပြီးတော့ သွားဖုံးရောင်ရာကတစ်ဆင့် သွားဘေးမှာရှိတဲ့ တစ်ရှူးနဲ့ အရိုးတွေပါ ပျက်စီးသွားတာပါ။ ဒီလိုနဲ့ တဖြည်းဖြည်းကြာလာတဲ့အခါ သွားတွေ အချောင်းလိုက် ကျွတ်ထွက်တာမျိုးတွေ ဖြစ်လာတာပေါ့။
ဒီလို သွားရေစီးကမ်းပြိုတာကို
- သွားသေချာမတိုက်သူ
- အသက်ကြီးသူ
- ကွမ်းစားသူ
- ဆီးချိုရောဂါရှိသူ
- အဝလွန်သူ တွေမှာ ပိုပြီး အဖြစ်များတတ်ပါတယ်
သူ့ရဲ့ လက္ခဏာတွေကတော့ -
- ဘယ်လိုလုပ်လုပ် ခံတွင်းနံ့မပျောက်တာ
- သွားတိုက်တိုင်း သွားဖုံးက သွေးထွက်နေတာ
- သွားဖုံးတွေရောင်ရမ်းနေတာ
- သွားဖုံးနဲ့သွားကြား နေရာလပ်ရှိနေတာ
- ပါးစပ်ထဲ ခါးနေတာ
- တစ်ခုခုကိုက်လိုက်တိုင်း သွားတွေနာနေတာ စတာတွေပါ
သွားရေစီးကမ်းပြိုတာက ဖြစ်ပြီဆိုရင် ချက်ချင်းမသိနိုင်သလို သိလိုက်တဲ့အချိန်မှာလဲ သွားတွေကျွတ်ကျတော့မယ့် အချိန်ကိုရောက်သွားပြီမလို့ သွားကျန်းမာရေးကို အမြဲသတိထားပြီး ဂရုစိုက်ပေးတာ အကောင်းဆုံးပါ‼️
🦷 တစ်နေ့ကိုနှစ်ကြိမ် သွားပုံမှန်တိုက်ပေးပါ
🦷 သွားကြားထဲက အစာအကြွင်းအကျန်တွေနဲ့ ဘက်တီးရီးယားတွေကို ဖယ်ရှင်းနိုင်ဖို့ သွားပွတ်ကြိုးနဲ့ အနည်းဆုံး တစ်နေ့တစ်ကြိမ် သန့်ရှင်းရေးလုပ်ပေးပါ (flossing)
🦷 ဆေးလိပ်နဲ့ကွမ်းယာ ဖြတ်ပါ
🦷 သွားဆရာဝန်ဆီမှာ ခြောက်လတစ်ခါလောက် ပုံမှန် သွားကျန်းမာရေးစစ်ဆေးပေးပါ
တကယ်လို့ သွားကျွတ်ကျတဲ့အခြေအနေထိ မရောက်သေးပေမယ့် သွားကိုက်သွားနာတာ၊ သွားဖုံးယောင်နေတာတို့လို ခံတွင်းကျန်းမာရေးနဲ့ပတ်သက်ပြီး ပုံမှန်မဟုတ်တာ တစ်ခုခုကို သတိထားမိပြီဆိုရင် ဘယ်လိုအခြေအနေလဲဆိုတာ သိရအောင် My-Medicine က သွားဘက်ဆိုင်ရာအထူးကုဆရာဝန်ကြီးတွေနဲ့ အွန်လိုင်းကနေ အရင်တိုင်ပင်ထားလို့လဲရတယ်နော်။
ဆရာဝန်နှင့် Appointment ယူခြင်း ဝန်ဆောင်မှုပိုင်းဆိုင်ရာနှင့် ပတ်သက်၍ အသေးစိတ်သိရှိလိုပါက https://mymedicine.com.mm/r/Dentalဖုန်းနံပါတ် 5588 (သို့မဟုတ်) 09779995588 သို့ဆက်သွယ်မေးမြန်းစုံစမ်းနိုင်ပါတယ်။