လက်စွယ်ငုပ်တာကို သွားနဲ့ကိုက်နေတုန်းလား
လက်စွယ်ခြေစွယ်ငုပ်တဲ့ကိစ္စက အရမ်းနာပြီး ခံရခက်တယ်ဟုတ်?
ဒါပေမယ့် နာတယ်ဆိုတိုင်းလည်း ပျောက်ရင်ပြီးရောဆိုပြီး သွားနဲ့ကိုက်တာ၊ ညှပ်ထုတ်ပစ်တာတွေ ရမ်းပြီးလုပ်လို့မရပါဘူးနော်။
အခန့်မသင့်ရင် ပိုးဝင်ပြီး ပိုဆိုးသွားနိုင်လို့ပါ‼️
လက်စွယ်ခြေစွယ်ငုပ်တာက လက်/ခြေသည်းကုပ်နေတဲ့သူတွေဆီမှာ ပိုအဖြစ်များတတ်ပါတယ်။ အဓိကဖြစ်ရတဲ့ အကြောင်းအရင်းကတော့ လက်/ခြေသည်းတွေကို အသားနဲ့အတိဖြစ်အောင် ညှပ်လိုက်တဲ့အခါ ပြန်ရှည်ထွက်လာတော့ အသားထဲကို စိုက်ဝင်သွားတာမျိုးပါ။
ဒီအဆင့်လောက်မှာ မစိုးရိမ်ရသေးပေမယ့် ဘာမှမဖြစ်ဘူးဆိုပြီး ပစ်ထားလိုက်ရင်တော့ တဖြည်းဖြည်းနဲ့ အရိုးထဲထိ ရောဂါပိုးဝင်တာ၊ ပြည်တွေတည်တာ၊ ယောင်ကိုင်းတာတွေဖြစ်လာပြီး ခွဲစိတ်ပြီးဖယ်ရှားရတဲ့ အခြေအနေထိကို ရောက်သွားနိုင်ပါတယ်!
ဒါဆို လက်စွယ်ခြေစွယ်တွေကို အန္တရာယ်ကင်းကင်း ဘယ်လိုဖယ်ရှားမလဲ
♦️ လက်စွယ်ခြေစွယ်ငုပ်နေတဲ့နေရာကို 15မိနစ်လောက် ရေနွေးစိမ်ပေးပါ
♦️ ရေနွေးစိမ်တာကို တစ်နေ့ 2-3ကြိမ် လုပ်ပေးနိုင်ပါတယ်
♦️ ရေနွေးစိမ်ပြီးရင်တော့ သေချာခြောက်အောင် ပြန်သုတ်ပေးရပါမယ်
♦️ ကြပ်ပူဖွဖွလေးလဲ ထိုးပေးနိုင်ပါတယ်
♦️ ခြေစွယ်ငုပ်တာဆိုရင် ရှူးဖိနပ်လို ထိပ်ပိတ်တွေစီးတာ ရှောင်ပေးပါ
အချို့ လက်စွယ်ခြေစွယ်တွေကတော့ ဒီနည်းလမ်းလေးတွေ လိုက်နာရုံနဲ့ ရက်အနည်းငယ်အတွင်း သူ့ဘာသာပျောက်သွားတတ်ပါတယ်။
ဒီလိုတော်ရုံမပျောက်ဘဲ ပြည်တည်တာ၊ ယောင်ကိုင်းနေတာတို့လို ရောဂါပိုးဝင်တဲ့ လက္ခဏာတွေ ပြလာပြီဆိုရင်တော့ ဆရာဝန်ပြသင့်ပြီး
🔸Antibiotics ဆေးလိမ်းရုံနဲ့ ပျောက်မလား
🔸ထုံဆေးပေးပြီး ဖယ်ရှားရမလား
ဆိုတာကို ဆုံးဖြတ်ပေးပါလိမ့်မယ်👩⚕️
ဒါကြောင့် ကိုယ်က ခြေစွယ်လက်စွယ် ခဏခဏငုပ်တတ်တဲ့သူဆိုရင် လက်/ခြေသည်းတွေကို တုံးတိကြီးညှပ်မပစ်ဖို့ အရမ်းအရေးကြီးပါတယ်နော်‼️
ခဏခဏ လက်စွယ်ခြေစွယ်ငုပ်တာနဲ့ ပတ်သက်ပြီး ဆရာဝန်နဲ့တိုင်ပင်ချင်ပေမယ့် ဆေးရုံဆေးခန်းထိသွားဖို့ အချိန်မပေးနိုင်ဖြစ်နေတယ်ဆိုရင် My-Medicine ရဲ့ အွန်လိုင်းဆေးခန်းကိုသာ သတိရလိုက်ပါနော်🩺
ကျန်းမာရေးပြဿနာမျိုးစုံကို အထူးကုဆရာဝန်ကြီးများ၊ ပါရဂူကြီးများနဲ့ ကိုယ်အဆင်ပြေတဲ့အချိန် ရွေးချယ်ပြီး အွန်လိုင်းကနေ video call နဲ့ ဆွေးနွေးတိုင်ပင်နိုင်နေပြီမလို့ ဆေးခန်းပြဖို့ အိမ်ထဲမှာ ထိုင်ရာကနေ ထစရာတောင် မလိုတော့ဘူးနော်။
__________________________________________________
ရောဂါကုသမှုပိုင်းဆိုင်ရာနှင့်ပတ်သက်၍ အသေးစိတ်သိရှိလိုပါက
https://mymedicine.com.mm/r/gp တွင်လည်း ဆရာဝန်များနှင့် ကြိုတင်၍ Appointment ယူနိုင်သလိုဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်နော်။